عبارة أكيد كلنا سمعناها
"الإسلام هو الحل آه إنما الاخوان والسلفيين مش هما الحل ومش هما الإسلام"
كلام جميل
طب إيه رأيكم نسيبنا من الناس الوحشة اللى بيشوهوا الإسلام وبيستغلوه لمصالحهم دول وننادى إحنا كمان بالإسلام
وبكده يظهر للشعب حقيقة الإخوان والسلفيين
دول بيستغلوا الدين وبيقولوا للناس إحنا عاوزين نطبق الشريعة والناس بتحب الدين فبتسمع كلامهم
يبقى احنا كمان نحط تطبيق الشريعة فى برامجنا وده مش نفاق لأننا زى ما بنقول بنحب الشريعة وعاوزينها وبكده مش هنخلى الإخوان والسلفين يستغلوا الدين وكمان هنحافظ على الشريعة من التشويه بتاعهم ليها
لو وصلتك الفكرة اعمل لايك وشير :D
لو موصلتش كمل معاى:
عندنا مثلاً معظم الناس اللى بتنادى بالحرية والديموقراطية أنا شايفهم مجموعة من المنتفعين والفاسدين
يبقى أنا كراجل محترم ومؤمن بالحرية قدامى حل من اتنين:
أقول بلاها حرية ومش عاوزين حاجة من ورا الناس دى
أو أنادى أنا كمان بالحرية اللى أنا مؤمن بيها ومخليش حد يضحك على الناس بالكلام عنها وهو بتاع مصلحته
بس كلام فى سرك:هو فيه حد بينادى بتطبيق الإسلام غيرهم؟!!
ليست هناك تعليقات:
إرسال تعليق